ജമാഅത്തെ ഇസ്ലാമിക്ക് ഗുരുജി ഗോൾവൽക്കർ ‘ആദരണീയൻ, സ്റ്റേറ്റ്സ്മാൻ, വിശുദ്ധൻ, ആദർശധീരൻ, അചഞ്ചലനായ വിപ്ലവകാരി’

ജമാഅത്തെ ഇസ്ലാമി-‘ഹിന്ദ്’ ഒഴികെ മറ്റുള്ള സകല പ്രസ്ഥാനങ്ങൾക്കും ‘സംഘിച്ചാപ്പ’ പതിച്ചു നൽകുന്ന മീഡിയ വൺ, തങ്ങളുടെ പിതൃസംഘടനയെ ഇനിമുതൽ എന്തുപേരിട്ട് വിളിക്കും?

ഇന്ത്യൻ രാഷ്ട്രീയത്തിൽ ‘സ്റ്റേറ്റ്സ്മാൻ’ അഥവാ രാഷ്ട്രതന്ത്രജ്ഞൻ എന്ന വിശേഷണം ലഭിച്ചിട്ടുള്ളവർ വിരലിലെണ്ണാവുന്നവരേയുള്ളു. ഒരു പക്ഷേ, അസംഖ്യം മുൻപ്രധാനമന്ത്രിമാരിൽ നെഹ്രുവിനേയോ വാജ്പേയിേയോ, ഇപ്പോൾ നരേന്ദ്ര മോദിയെയോ ഒക്കെ മാത്രമാണ് രാഷ്ട്രീയ നിരീക്ഷകർ സാധാരണയായി അങ്ങനെ വിശേഷിപ്പിക്കാറ്. എന്നാൽ, ഗുരുജി ഗോൾവൽക്കർ സമാധിയായപ്പോൾ ജമാഅത്തെ ഇസ്ലാമി അദ്ദേഹത്തെ വിശേഷിപ്പിച്ചത് സ്റ്റേറ്റ്സ്മാൻ എന്നായിരുന്നു. മാത്രമല്ല, ചിന്തിക്കാൻ ശേഷിയുള്ള, വിവേകശാലികളായ മുസ്ലീങ്ങൾക്ക് ഗുരുജി എന്നും ആദരണീയനായിരുന്നു എന്നും ജമാഅത്തെ ഇസ്ലാമി അഭിപ്രായപ്പെട്ടു. ഗുരുജി അന്നത്തെ ജമാഅത്തെ ഇസ്ലാമി നേതാക്കൾക്ക് ധീരനായ വിപ്ലവകാരിയും ദേശീയ ഐക്യത്തിന് വേണ്ടി നിലകൊണ്ട സത്യസന്ധനും ആദർശപുരുഷനുമായിരുന്നു.

ജമാഅത്തെഇസ്ലാമിയുടെ ദേശീയ മുഖപത്രമായ (ഇംഗ്ലീഷ് ഭാഷയിൽ പ്രസിദ്ധീകരിക്കുന്ന) റേഡിയൻസ് ആഴ്ചപ്പതിപ്പിന്റെ സഹോദര സ്ഥാപനമായ മീഡിയ വണ്ണിലെ ദാവാ പ്രചാരകർ വായിച്ചറിയേണ്ട ഒരു സുപ്രധാന ചരിത്ര രേഖയാണ്, ഗുരുജിയുടെ സമാധിയോട് അനുബന്ധിച്ച് ജമാഅത്തെഇസ്‌ലാമിയുടെ മുഖപത്രത്തിൽ പ്രസിദ്ധീകരിച്ച സംഘടനയുടെ അനുശോചനക്കുറിപ്പുകൾ.

ഗുരുജിയുടെ “Bunch of Thoughts” എന്ന സമാഹാരം, ഇന്ത്യയിലെ മുസ്ലിം സമൂഹത്തിനെതിരെ ഒരു രീതിയിൽ വികാരം സൃഷ്ടിച്ചതിൽ വലിയ പങ്കുവഹിച്ചതായി ന്യൂനപക്ഷ സമൂഹത്തിൽ വ്യാപകമായി വിശ്വാസമുണ്ടായിരുന്നു, എന്ന് റേഡിയൻസ് ഒരു സുദീർഘമായ സ്തുതിപ്രസംഗത്തിന് ആമുഖമായി പറയുന്നുണ്ട്.

1973, ജൂൺ 23നു പ്രസിദ്ധീകരിച്ച ഓർഗനൈസർ വാരികയിലെ ഒരു റിപ്പോർട്ട് റേഡിയൻസ് ആഴ്ച്ചപ്പതിപ്പിലെ ജമാഅത്തെ ഇസ്ലാമിയുടെ കാഴ്ചപ്പാടുകളെ യഥാതഥം വായനക്കാർക്ക് മുമ്പിൽ എത്തിക്കുന്നുണ്ട്:

“ഡൽഹിയിൽ നിന്നും പ്രസിദ്ധീകരിക്കുന്ന ഇസ്ലാമിക് പബ്ലിക്കേഷൻ ബോർഡ് പുറത്തിറക്കുന്ന ആഴ്ചപ്പത്രമായ Radiance തങ്ങളുടെ ജൂൺ 17 ലക്കം, “Golwalkar and Muslims” എന്ന തലക്കെട്ടിൽ എഴുതിയ എഡിറ്റോറിയലിൽ, ആർ.എസ്.എസ്. സർസംഘചാലക് ആയിരുന്ന പരേതനായ ശ്രീ എം. എസ്. ഗോൾവൾക്കരെ സംബന്ധിച്ച് ഇങ്ങനെ പറയുന്നു:

“ആർ.എസ്. എസുമായി ഞങ്ങൾക്ക് പല ഭിന്നതകളും ഉണ്ടാവാം, യൂണിഫോം സിവിൽ കോഡ് പോലുള്ള വിഷയങ്ങളിൽ പ്രത്യേകിച്ച്, എങ്കിലും, പരേതനായ സർസംഘചാലക് ശ്രീ എം. എസ്. ഗോൾവൽക്കറുടെ ചില ഉന്നത ഗുണങ്ങൾ നിഷേധിക്കാൻ കഴിയാത്തതാണ്. തന്റെ ഉള്ളിലെ ചിന്തകളും വികാരങ്ങളും ഒളിച്ചു വെക്കാഞ്ഞ ഹിന്ദു നേതാക്കളിൽ ഒരാളായിരുന്നു അദ്ദേഹം.”

ഗുരുജിയുടെ നിര്യാണ വാർത്തയ്ക്ക് ‘എല്ലാവർക്കും ദുഃഖകരമായ സംഭവം’ എന്ന ശീർഷകമാണ് ജമാഅത്തെഇസ്‌ലാമി പ്രസിദ്ധീകരണം നൽകിയത്:

‘എല്ലാവർക്കും ദുഃഖകരമായ സംഭവം’

ശ്രീ ഗോൾവൽക്കറുടെ നിര്യാണം, അദ്ദേഹത്തിന്റെ അനുയായികൾക്ക് മാത്രമല്ല, ആത്മാർത്ഥമായി അദ്ദേഹത്തോട് യോജിക്കാത്തവർക്കും പോലും ഒരു ദുഃഖകരമായ സംഭവമായി മാറുന്നതായി ലേഖനം വ്യക്തമാക്കുന്നു.

കാരണം, നിഷ്കപടവും തുറന്നതുമായ സംവാദം വഴി സാമൂഹ്യപ്രശ്നങ്ങൾക്ക് അംഗീകരിക്കപ്പെടാവുന്ന പരിഹാരങ്ങളിൽ എത്തിപ്പെടുക എന്നത് അദ്ദേഹത്തിന്റെ മരണത്തോടെ കൂടുതൽ ബുദ്ധിമുട്ടായി മാറി എന്നാണ് പത്രത്തിന്റെ അഭിപ്രായം.

SAD EVENT FOR ALL

The death of such a person is not only a sad event for his followers but even for those also who genuinely disagreed with him. Why? Because it makes it more difficult to reach a commonly acceptable solution to our communal problems, in the light of a free and frank discussion. The bane of Indian political life has been the dominance of those leaders who are never tired of talking with their tongue in cheek.

ഗുരുജി – ഒരു മഹാനായ നേതാവ്

‘GREATEST LEADER’ എന്ന ശീര്ഷകത്തിലുള്ള മറ്റൊരു കുറിപ്പിൽ ഇപ്രകാരം പറയുന്നു:

ശ്രീ മാധവറാവു സദാശിവറാവു ഗോൾവൽക്കർ, ജൂൺ 5-ന് നാഗ്പൂരിൽ അന്തരിച്ച അദ്ദേഹം, ഇന്ത്യ ജന്മം നൽകിയ മഹത്തായ ഹിന്ദു ദേശീയ നേതാക്കളിൽ ഒരാളായിരുന്നു. “ഗുരുജി” എന്ന ബഹുമാനപദത്തോടെ അറിയപ്പെടുന്ന ആർ.എസ്.എസ്. നേതാവ്, തന്റെ സന്യാസ ജീവിതശൈലിയും ഹിന്ദു നവോത്ഥാനത്തിനുള്ള തീവ്രമായ ആഗ്രഹവും കൊണ്ടാണ് അനുയായികളുടെ മനസ്സിൽ സ്ഥാനം പിടിച്ചത്.

ഹിന്ദുരാഷ്ട്രം പുരോഗതിയുടെയും വിജ്ഞാനത്തിന്റെയും ഉച്ചസ്ഥായിയിൽ എത്തണമെന്ന് ആഗ്രഹിച്ച ഒരു വിശുദ്ധ-ആദർശപുരുഷനായി അദ്ദേഹം നിരവധി പേർക്ക് പ്രചോദന സ്രോതസ്സായിരുന്നുവെന്ന് ലേഖനം പറയുന്നു.

അദ്ദേഹം രാഷ്ട്രീയത്തിൽ നേരിട്ട് ഇടപെടാതിരിക്കാൻ സൂക്ഷിച്ചിരുന്നുവെങ്കിലും, യാഥാർത്ഥത്തിൽ അദ്ദേഹം ഒരു മതാധ്യക്ഷനേക്കാൾ കൂടുതൽ ഒരു രാഷ്ട്രതന്ത്രജ്ഞനായിരുന്നു എന്നും പത്രം പറയുന്നു. അദ്ദേഹം ആശയപരമായി ഒരിക്കലും ഒത്തുതീർപ്പുകൾക്ക് വഴങ്ങാത്ത, നേരുള്ള അചഞ്ചലനായ ഒരു വിപ്ലവകാരിയായിരുന്നു.

എത്രയും പ്രതികൂല സാഹചര്യങ്ങളിലൂടെയും, പ്രത്യേകിച്ച് മഹാത്മാഗാന്ധിയുടെ വധത്തിനുശേഷം അദ്ദേഹത്തിന്റെ സംഘടന നിരോധിക്കപ്പെട്ടപ്പോഴും, അദ്ദേഹം തന്റെ ആശയങ്ങളിൽ നിന്നും വഴിതിരിഞ്ഞില്ല. തന്റെ ആശയധാര ഒരിക്കലും സമവായത്തിന് വിധേയമാക്കിയില്ല.

ഗ്രന്ഥകാരനായ ഗുരുജി

ഗുരുജി വലിയൊരു എഴുത്തുകാരനായിരുന്നില്ലെങ്കിലും, Bunch of Thoughts, We, Our Nationhood Defined എന്നിവ ഉൾപ്പെടെ നിരവധി ഗ്രന്ഥങ്ങൾ അദ്ദേഹം രചിച്ചിട്ടുണ്ട്. ഈ പുസ്തകങ്ങളിൽ, ഹിന്ദുസമൂഹത്തിന്റെ സംസ്കാരം, വിശ്വാസം, പാരമ്പര്യം എന്നിവയുടെ ക്ഷയത്തെക്കുറിച്ച് അദ്ദേഹം ആഴത്തിലുള്ള ആശങ്ക രേഖപ്പെടുത്തുന്നു.

അദ്ദേഹത്തിന്റെ തത്ത്വചിന്ത കൊണ്ടല്ല, മറിച്ച് തന്റെ ധൈര്യവും, ഉറച്ച വിശ്വാസവും, സത്യസന്ധതയും, കപടതയില്ലായ്മയും കാരണം, ചിന്താശീലന്മാരായ നിരവധി മുസ്ലിംകൾക്കിടയിലും അദ്ദേഹത്തിന് ഒരുവിധത്തിലുള്ള ആദരം നേടാനായതായും ആ ലേഖനം സമ്മതിക്കുന്നു.

‘GREATEST LEADER’

Reverentially called ‘Guruji’, the RSS Chief had endeared himself by his austere way of living, coupled with his ardent zeal for the renaissance of Hinduism. His saintly figure, burning with the desire to see Hindu nation as one of the most advanced and enlightened ones was a source of inspiration for many.

Though he scrupulously avoided to meddle with open politics, or to be called a politician, he was more a politician or rather a statesman than a religious leader. He was a forthright and steadfast revolutionary who never compromised his ideology. He stuck to his guns under very adverse circumstances, especially when his organisation was banned after the assassination of the Mahatma.

Though he was not a prolific writer, he wrote a number of books, including A Bunch of Thoughts and We, Our Nationhood Defined, wherein his passion for the glory of his community is manifest. In these works he appears to be deeply concerned about the decline of Hindu values, culture, faith and heritage.

Though it would appear paradoxical, yet the fact remains that he was respected among thinking Muslims – not because of his philosophy, but because of his courage of conviction, pure honesty, free from hypocrisy.

ഒപ്പം, യൂണിഫോം സിവിൽ കോഡ് പോലെയുള്ള വിഷയങ്ങളിൽ ഗുരുജിയുടെ നിലപാടിനെ ജമാഅത്തെ ഇസ്ലാമി കലവറയില്ലാതെ പ്രശംസിക്കുന്നുണ്ട്. ചിന്താശീലരായ, വിവേകമുള്ള മുസ്ലീങ്ങൾക്ക് ഗുരുജി എക്കാലവും ആദരണീയനായ വ്യക്തിത്വമാണെന്ന് അടിവരയിട്ടു പറഞ്ഞ ജമാഅത്തെ ഇസ്ലാമിക്ക് എങ്ങനെയാണ് മീഡിയ ഒന്നു ചാനലിലെ ദാവാ പ്രചാരകരുടെ ആർ.എസ്.എസ് വിധ്വേഷ പ്രചാരണത്തെ തള്ളിക്കളയാതിരിക്കാൻ കഴിയുക? ജമാത്തെഇസ്‌ലാമി-‘ഹിന്ദ്’ ഒഴിച്ച് മറ്റുള്ള സകല പ്രസ്ഥാനങ്ങൾക്കും സംഘിച്ചാപ്പ പതിച്ചു നൽകുന്ന മീഡിയ വൺ, തങ്ങളുടെ പിതൃസംഘടനയെ ഇനിമുതൽ എന്തുപേരിട്ട് വിളിക്കും?